- Santiago Durán Durán: Segundo os datos do campo naceu en Oreja e residía en Ourense. Segundo os datos que manexamos nós naceu en Ribadavia, o 10-8-1916. Era labrego e estivo destinado no Kommando Kesselhaus (sala das caldeiras). Chegou a Dachau o 9-11-1942, procedente de Mauthausen, sendo rexistrado co número 38852. Foi liberado en Dachau o 29-4-1945.
- Nicolás Rodríguez Pérez: Naceu o 28-10-1898 en Albareles (segundo o libro de mortos de Dachau naceu en Albarellos, pero non hai máis información). Como lugar de residencia aparece KL Vernay, municipio francés no departamento do Rhone. As siglas KL son as de 'campo de concentración', seguramente se instalou nesa localidade un stalag ou campo de prisineiros de guerra. Outra posibilidade é que o campo fose o de Le Vernet, no sur de Francia, onde estiveron internados moitos republicanos españois. De profesión oficinista (secretario). Ingresou en Dachau o 28-8-1944, procedente de Bordeaux, co número 94.272. Morreu no campo o 25-2-1945, mandándose o certificado de defunción en 1955.
- Iglesias González Francisco: Os datos de rexistro están mal recollidos no arquivo de Dachau, mesmo o propio nome. Só estivo un mes en Dachau, do 20-6-1944 ao 29-7-1944, cando foi trasladado a Buchenwald.
Ningún comentario:
Publicar un comentario