 |
| José Rivada e Francisco Pena en París |
Este domingo tivemos un longo encontro con Francisco Pena e a súa muller Carmen. Acompañounos tamén súa filla Silvia. Foi unha reunión moi agradable no persoal e, tamén, moi interesante en canto a información e documentación recollida.
Francisco Pena é fillo de Francisco Pena Romero, de Cabo de Cruz (Boiro) deportado a Mauthausen co número 5117. No campo, entre outros, fixo amizade co 'noso' deportado José Rivada Novoa. Amizade que mantiveron en Francia, ata a súa morte. O obxectivo da visita era coñecer os avatares vividos por Francisco, e por José. Saber máis da súa vida no campo, pero tamén antes e despois. E si, conseguimos coñecer a historia dos deportados pero tamén quedamos fascinados pola propia vida de Francisco e Carmen. Tamén de Ramona, a muller, vítima tamén do encarceramento do seu home. Unha vez máis comprobamos que a verdadeira Historia, con maiúsculas, atopámola nas vidas da xente anónima, na súa loita para seguir adiante, e seguir rindo, a pesar de todo o pasado.
Pouco a pouco iremos publicando a información e a documentación recollida. Moitas grazas a toda a familia.
Ningún comentario:
Publicar un comentario