Antonio Araújo naceu no antigo concello de Canedo, no actual barrio da Ponte, o 15 de outubro de 1916. A casa do seu pai estaba ubicada na hoxe desaparecida rúa das Tapias. Militou na UGT, e cando comezou a Guerra Civil tivo que alistarse no exército golpista, ata que en 1937 conseguiu pasar ao campo republicano. Rematou a guerra en Barcelona, desde onde pensamos que fuxiu a Francia a principios de 1939.
Non temos información do seu paso por Francia, aínda que seguramente compartiu o destino dos miles de camaradas republicanos, pasando polos campos de refuxiados e as compañías de traballo.
Entrou en Mauthausen o 25 de xaneiro de 1941, procedente do stalag de Trier. O seu número de prisioneiro foi o 4110. Enviado a Gusen, ao matadoiro, morreu alí o 11 de outubro do mesmo ano, con só 24 anos. Segundo o rexistro de Gusen a causa da morte foi unha 'colitis ulcerosa'.
Ningún comentario:
Publicar un comentario